Abvinavačany ŭ hrupavym zhvałtavańni kanadski chakieist źbieh u minskaje «Dynama»
Chutka nad hulcom byŭ pavinien adbycca sud, paviedamlaje ahienctva CBC.
08.08.2024 / 18:15
Dyłan Dziube, były hulec moładzievaj zbornaj Kanady pa chakiei, jaki abvninavačvajecca na radzimie ŭ hrupavym seksualnym hvałcie. Fota: Paul Sancya / AP Photo
Kanadskaje ahienctva CBC paviedamlaje, što abvinavačany ŭ seksualnym hvałcie hulec moładzievaj zbornaj krainy pa chakiei Dyłan Dziube padpisaŭ kantrakt ź biełaruskim chakiejnym kłubam «Dynama-Minsk», kab udzielničać u rasijskaj Kantynientalnaj chakiejnaj lizie.
Jašče adzin kanadski chakieist, jaki prachodzić razam z Dyłanam pa kryminalnaj spravie, Majkł Makłaud taksama budzie ŭdzielničać u rasijskaj KCHŁ, padpisaŭšy kantrakt z kazachstanskim kłubam «Barys».
Pavodle aficyjnych abvinavačvańniaŭ, na jakija spasyłajecca CBC, Dyłan Dziube, Majkł Makłaud i jašče try hulcy moładzievaj zbornaj Kanady ŭ 2018 hodzie hrupaj zhvałtavali nienazvanuju žančynu ŭ hateli kanadskaha horada Łondan (pravincyja Antarya) paśla hała-kancerta Hockey Canada Foundation.
Sud nad hulcami zapłanavany na pačatak vieraśnia, adnak nijakich abmiežavańniaŭ na ŭdzieł kanadcaŭ u prafiesijnych chakiejnych matčach i lihach nie było nakładziena. Pry hetym kłuby Kanady i ZŠA padčas śledstva nad hulcami nie stali padpisvać ź imi novyja kantrakty, čym skarystalisia biełaruskija, kazachstanskija i rasijskija kłuby, pieradaje CBC.
«Heta pravakacyja». Batutysta Litvinoviča na Alimpijadzie spytali ab padtrymcy Łukašenki
U instahramie miemnaha strałka z Alimpijady adšukaŭsia biełaruski śled
Čamu nie stała Kalcova? Voś jakija viersii abmiarkoŭvajuć u chakiejnaj supołcy