U Kurskuju vobłaść z Mali pierakidvajuć bajevikoŭ PVK «Vahnier»
Pakul rasijskaje Minabarony publična rapartuje ab tym, što kantraluje situacyju ŭ Kurskaj vobłaści, na hetym napramku spatrebilisia najmity z PVK.
08.08.2024 / 14:48
Vahnieraŭcy ŭ Rastovie-na-Donie ŭ časie miaciažu. Fota: Anadolu / Getty Images
Najmitaŭ PVK «Vahnier» pierakidvajuć z Mali ŭ Kurskuju vobłaść, dzie USU treci dzień viaduć nastupalnuju apieracyju.
Ab pierakidvańni vahnieraŭcaŭ na kurski kirunak paviedamiŭ adzin z z-vajenkaraŭ. Jon apublikavaŭ videa, na jakim ludzi ŭ vajskovaj formie ŭ hruzaviku havorać, što «pajechali ŭ Kursk».
Infarmacyju ab pierakidvańni PVK «Vahnier» z Afryki ŭ Kurskuju vobłaść taksama paćviardžaje kanał RTVI sa spasyłkaj na adnaho z bajevikoŭ.
Pa danych jašče adnaho pravajennaha błohiera, najmity ŭžo vajujuć u Kurskaj vobłaści ŭ składzie padraździaleńniaŭ Minabarony Rasii.
Ukrainskija vajskoŭcy pačali apieracyju ŭ Kurskaj vobłaści 6 žniŭnia. Jany zmahli ŭklinicca ŭhłyb rasijskaj terytoryi bolš čym na 20 kiłamietraŭ i, pavodle niekatorych źviestak, uziali pad kantrol rajcentr Sudžu.
Bai ŭ Kurskaj vobłaści — jakija mety mohuć pieraśledvać USU?