U Rasii zabaranili vajskoŭcam na froncie karystacca smartfonami
Pavodle zakona, padpisanaha siońnia Pucinym, rasijskim vajskoŭcam zabaraniajuć karystacca smartfonami na froncie. Za heta parušeńnie im moža pahražać da 10 sutak haŭptvachty biez suda.
08.08.2024 / 19:01
Fota ilustracyjnaje
Zakon «Ab asablivaściach prymianieńnia i vykanańnia dyscyplinarnaha aryštu vajskoŭcaŭ u zonie SVA» raspaŭsiudžvajecca na sałdat, siaržantaŭ, staršyn, matrosaŭ, mičmanaŭ i praparščykaŭ. Za parušeńnie zakona pahražaje da 10 sutak dyscyplinarnaha aryštu, jaki vinavatyja majuć adbyvać na haŭptvachcie.
U śpis zabaronaŭ uvachodziać, siarod inšaha, znosiny ź ŚMI, niahledziačy na zabaronu (z raspoviedam pra svaju dziejnaśći abo dziejnaść tavaryšaŭ pa słužbie), abo našeńnie pryład z mahčymaściu vychadu ŭ internet. Vyklučeńnie — tolki smartfony, jakija prymianiajucca dziela słužbovych metaŭ.
Rašeńnie ab dyscyplinarnym aryšcie budzie prymać kamandavańnie vajskovaj čaści ci vajskovaja palicyja.
24 lipienia hetuju pastanovu ŭchvaliła Dziaržduma, paśla čaho zakonaprajekt raskrytykavali Z-kanały, abvinavaciŭšy deputataŭ u «poŭnym adryvie ad realij».
Hałoŭnakamandujučy USU raskazaŭ pra pieravahu Rasii ŭ technicy i akreśliŭ, što rabić ukraincam