Jak prahałasavali biełarusy na vybarach 2020
Zhadvajem aficyjnyja ličby, aficyjnyja pratakoły, jakija im supiarečać, i danyja, sabranyja płatformaj «Hołas».
09.08.2024 / 10:52
Taki znak salidarnaści i padtrymki demakratyčnych pieramien pakazvali biełarusy ŭ noč paśla sfalsifikavanych prezidenckich vybaraŭ u žniŭni 2020 hoda. Fota: «Naša Niva»
Siońnia čaćviortaja hadavina prezidenckich vybaraŭ 2020 hoda, na jakich pieramohu sabie hvałtoŭna prysudziŭ Alaksandr Łukašenka.
Pa viersii Centrvybarkama, 80,1% vybarščykaŭ (4 miljony 661 tysiača čałaviek) byccam prahałasavali za toje, kab Alaksandr Łukašenka staŭ kiraŭnikom dziaržavy šosty raz i zastaŭsia va ŭładzie jašče na piać hadoŭ.
Hałoŭnaj supiernicy Łukašenki — Śviatłanie Cichanoŭskaj — CVK naličyŭ tolki ścipłyja 10,12% (bolš za 588 tysiač hałasoŭ).
Hanna Kanapackaja, pavodle CVK, atrymała 1,67% hałasoŭ (97 tysiač), Andrej Dźmitryjeŭ — 1,21% (bolš za 70 tysiača), Siarhiej Čeračań — 1,14% (bolš za 66 tysiač).
Varyjant «suprać usich» pa aficyjnaj viersii vybrała 4,59% (267 tysiač čałaviek).
Ale jak ludzi hałasavali pa-sapraŭdnamu?
Zvyš miljona čałaviek paviedamili pra svoj vybar anłajn-płatformie «Hołas» (550 tysiač ź ich dasłali sfatahrafavanyja biuleteni).
Z usich vieryfikavanych płatformaj hałasoŭ 1 miljon 3 tysiačy byli addadzieny za Cichanoŭskuju, u toj momant jak za Łukašenku — 10 tysiač.
Byli taksama sabrany pratakoły z 1310 vybarčych učastkaŭ (heta 22,7% ad usich učastkaŭ krainy).
Na padstavie apublikavanych biuleteniaŭ i pratakołaŭ «Hołasu» i inšym śpiecyjalistam udałosia dakazać, što ŭ mnohich vypadkach vynik vybaraŭ byŭ sfalsifikavany praz machinacyi na daterminovym hałasavańni, a niedzie prosta namalavany z hałavy.
Naprykład, atrymlivałasia, što na 59% vybarčych učastkach u Minsku ŭ Cichanoŭskaj bolš hałasoŭ pa pratakołach, čym na 100% učastkaŭ u Minsku pa danych CVK.
Ličby CVK nijak nie źviazany z tym, što napisana ŭ aficyjnych pratakołach.
Z praanalizavanych pratakołaŭ, jakija ŭdałosia dastać, u 30% vypadkaŭ byli vyjaŭleny falsifikacyi.
Čytajcie taksama: Jak hałasavali za Cichanoŭskuju. Niesfalsifikavanyja pratakoły prezidenckich vybaraŭ
Zychodziačy z analizu «Hołasa», Cichanoŭskaja ŭpeŭniena pieramahała Łukašenku ŭ pieršym tury.
Całkam spravazdaču «Hołasa» možna znajści tut.
Brest. Učastak № 15, vuł. Vysokaja, 22/1. Internat AAT «Dyvany Bresta». Cichanoŭskaja — 1113, Łukašenka — 646.
Padman na vybarach adrazu ž paśla abviaščeńnia ich vynikaŭ vyvieŭ na vulicy pa ŭsioj krainie dziasiatki tysiač biełarusaŭ, jakija sutyknulisia ź niečałaviečaj žorstkaściu z boku siłavikoŭ Łukašenki.
Da hetaha vializnaja kolkaść ludziej užo stajała ŭ čerhach na vybarčych učastkach, a šmatlikija niezaležnyja naziralniki sprabavali nie dać uładam padmanuć biełarusaŭ.
Pratesty 9 žniŭnia 2020 hoda. Fota: «Naša Niva»
Pratesty 9 žniŭnia 2020 hoda. Fota: «Naša Niva»
Pratesty 9 žniŭnia 2020 hoda. Fota: «Naša Niva»
Pratesty 9 žniŭnia 2020 hoda. Fota: «Naša Niva»
Pratesty 9 žniŭnia 2020 hoda. Fota: «Naša Niva»
Pratesty 9 žniŭnia 2020 hoda. Fota: AP
Što rabić? Redaktar «Našaj Nivy» prapanuje prosty adkaz
Chto zamiest Cichanoŭskaj? Knyrovič: Kankretnych prapanoŭ niama
«Łukašenka zabraŭ u mianie dom i radzimu». Tryccacihadovyja — pra žyćcio pry adnym prezidencie
Ci pačnie Łukašenka vypuskać palitviaźniaŭ paśla vybaraŭ-2025? Bačańnie Stryžaka