Tramp i Charys praviaduć debaty na telekanale ABC
Tramp prapanavaŭ pravieści jašče dźvie teledueli na inšych kanałach. Ad adnoj ź ich Charys užo admoviłasia.
09.08.2024 / 07:50
Kałaž: Andrew Harnik, Bill Pugliano / Getty Images
Kandydaty ŭ prezidenty ZŠA Kamała Charys i Donald Tramp sustrenucca na teledebatach 10 vieraśnia. Pra heta paviedamiŭ u čaćvier, 8 žniŭnia, telekanał ABC, jaki praviadzie debaty. «Vice-prezident Charys i eks-prezident Tramp paćvierdzili, što buduć prysutničać», — havorycca ŭ paviedamleńni ŭ sacsietcy Ch, piša Deutsche Welle.
Raniej u čaćvier na pres-kanfierencyi ŭ svaim majontku Mar-a-Łaha ŭ amierykanskim štacie Fłaryda kandydat ad respublikancaŭ Tramp prapanavaŭ pravieści ŭ vieraśni try televizijnyja dvuboi, jakija pavinny adbycca 4, 10 i 25 vieraśnia na kanałach Fox News, ABC i NBC.
Sa słoŭ Trampa, hetyja daty ŭžo ŭzhodnienyja z telekampanijami, adnak kamandzie vice-prezidenta Charys jašče treba budzie paćvierdzić svoj udzieł.
Telekampanii Fox News i NBC nie kamientavali jaho słovy. U svaju čarhu telekampanija ABC paviedamiła ŭ noč na piatnicu ŭ sacsietcy Ch sa spasyłkaj na aficyjnaha pradstaŭnika kamandy Charys, što jana nie budzie ŭdzielničać u prapanavanych Trampam debatach 4 vieraśnia.
Prezidenckija vybary ŭ ZŠA projduć 5 listapada. Prezident Džo Bajden 21 lipienia admoviŭsia ad udziełu ŭ pieravybarach. Kandydatam ad Dempartyi budzie vice-prezident Kamała Charys.
Kandydat u vice-prezidenty ZŠA žorstka raskrytykavaŭ Trampa
Tramp znajšoŭ vinavataha ŭ biržavym abvale — im stała vice-prezident Kamała Charys
Štab Kamały Charys usiaho za tydzień sabraŭ rekordnuju sumu na jaje prezidenckuju kampaniju
Tramp zachacieŭ pieranieści debaty z Charys na respublikanski telekanał. Taja suprać