Новы інтэрнат БДУФК падобны да мары студэнта ФОТЫ
Звонку аб'ект нагадвае сучасны бізнэс-цэнтр, дый унутры студэнцкі інтэрнат падобны да добрага хостэла.
09.08.2024 / 11:07
Новы інтэрнат БДУФК. Фота: «Мінскбуд» / Telegram
Будаўнікі рыхтуюць да ўводу студэнцкі інтэрнат БДУФК на вуліцы Радужнай у Мінску. Ён разлічаны на 700 студэнтаў, якія заедуць туды ўжо перад новым навучальным годам, піша «Точка».
«Такіх мы яшчэ не будавалі — эліпсападобнай формы, стыльны, падобны да бізнэс—цэнтра», — піша Telegram-канал Мінскбуда.
Фота: «Мінскбуд» / Telegram
Прараб Дзмітрый Харытонаў расказаў, што засталіся апошнія штрыхі ў аздабленні, ідзе наладка абсталявання, расстаноўка мэблі і бытавой тэхнікі.
Пасля будаўнікоў інтэрнатам зоймецца клінінгавая кампанія.
У інтэрнаце будуць двух– і трохмясцовыя пакоі, кухні ў блоках з бытавой тэхнікай.
Фота: «Мінскбуд» / Telegram
Пераклейваць шпалеры студэнтам у выпадку чаго не прыйдзецца, таму што іх няма: сцены абтынкаваныя і пафарбаваныя акрылавай фарбай.
Фота: «Мінскбуд» / Telegram
У інтэрнаце абсталявалі чатыры блокі для фізічна аслабленых асоб, створана безбар'ернае асяроддзе.
Фота: «Мінскбуд» / Telegram
У наяўнасці медблок, буфет, пральня з сушыльным і прасавальным цэхамі.