Novy internat BDUFK padobny da mary studenta FOTY
Zvonku abjekt nahadvaje sučasny biznes-centr, dyj unutry studencki internat padobny da dobraha chosteła.
09.08.2024 / 11:07
Novy internat BDUFK. Fota: «Minskbud» / Telegram
Budaŭniki rychtujuć da ŭvodu studencki internat BDUFK na vulicy Radužnaj u Minsku. Jon raźličany na 700 studentaŭ, jakija zajeduć tudy ŭžo pierad novym navučalnym hodam, piša «Točka».
«Takich my jašče nie budavali — elipsapadobnaj formy, stylny, padobny da biznes—centra», — piša Telegram-kanał Minskbuda.
Fota: «Minskbud» / Telegram
Prarab Dźmitryj Charytonaŭ raskazaŭ, što zastalisia apošnija štrychi ŭ azdableńni, idzie naładka abstalavańnia, rasstanoŭka mebli i bytavoj techniki.
Paśla budaŭnikoŭ internatam zojmiecca klininhavaja kampanija.
U internacie buduć dvuch– i trochmiascovyja pakoi, kuchni ŭ błokach z bytavoj technikaj.
Fota: «Minskbud» / Telegram
Pieraklejvać špalery studentam u vypadku čaho nie pryjdziecca, tamu što ich niama: ścieny abtynkavanyja i pafarbavanyja akryłavaj farbaj.
Fota: «Minskbud» / Telegram
U internacie abstalavali čatyry błoki dla fizična asłablenych asob, stvorana biezbarjernaje asiarodździe.
Fota: «Minskbud» / Telegram
U najaŭnaści miedbłok, bufiet, pralnia z sušylnym i prasavalnym cechami.