U Kurskaj vobłaści ŭkraincy źniščyli rasijskuju vajskovuju kałonu VIDEA
Heta adzin z samych kryvavych i masiravanych udaraŭ za ŭsiu vajnu.
09.08.2024 / 11:46
Pozna ŭviečary 8 žniŭnia ŭ supołkach Kurskaj vobłaści źjaviłasia videa vybuchaŭ i pažaru kala siała Akciabrskaha. Heta nasieleny punkt na darozie Kurčataŭ—Rylsk, za 5 km ad Rylska.
Jak vyśvietliłasia, tam była źniščana rasijskaja vajskovaja kałona — 14 tentavanych «Urałaŭ» i KAMAZaŭ ź piachotaj. Na ranišnim videa z toj ža łakacyi možna ŭbačyć, što častka mašyn zhareła daščentu, unutry mašyn i kala ich lažać trupy.
«Padobna, što ŭsia kałona viezła piachotu. Jany byli sa zbrojaj, pa ŭzvodzie na mašynu, chutčej za ŭsio. 3-4 roty — ceły bataljon źniščany. Miarkujučy pa vyhladzie kałony, zahinułych prykładna pałova. Heta adzin z samych kryvavych i masiravanych udaraŭ (chutčej za ŭsio HIMARS) za ŭsiu vajnu», — tłumačyć rasijski błohier Jan Maćviejeŭ.