Мэр Курчатава, дзе знаходзіцца Курская АЭС, заявіў аб напружанай сітуацыі і баях за дзясяткі кіламетраў ад горада
«Ігар Карпункоў заклікаў»не сеяць паніку».
09.08.2024 / 12:50
Фота: Курская праўда
Кіраўнік горада Курчатава Ігар Карпункоў заявіў аб напружанай сітуацыі з-за баявых дзеянняў. У Курчатаве знаходзіцца Курская АЭС.
«За некалькі дзясяткаў кіламетраў ад межаў нашага горада ідуць баявыя дзеянні. Абстаноўка напружаная, дзейнічае рэжым надзвычайнай сітуацыі», — напісаў Карпункоў у сваім тэлеграм-канале.
Кіраўнік горада заявіў пры гэтым, што знаходзіцца на працоўным месцы і «трымае сітуацыю на кантролі».
Ён заявіў, што ўкраінцы задзейнічалі «псіхалагічны спецназ», каб пасеяць паніку. І заклікаў давяраць толькі афіцыйным крыніцам.