Minabarony Rasii paviedamiła pra pierakidku vajskovaj techniki ŭ Kurskuju vobłaść
Minabarony Rasii apublikavała kadry vysoŭvańnia padraździaleńniaŭ dla naroščvańnia sił, jakija viaduć bajavyja dziejańni z USU ŭ Sudžanskim rajonie Kurskaj vobłaści.
09.08.2024 / 13:42
Raniej vajskovaje viedamstva paviedamiła ab spynieńni prasoŭvańnia USU na hetym kirunku. Na apublikavanych Minabarony kadrach vidać ruch kałony vajennych hruzavikoŭ, jakija ŭjazdžajuć na terytoryju Kurskaj vobłaści. Taksama ŭ składzie kałony možna zaŭvažyć pahruzčyki ź ciažkaj technikaj. Na adnym ź ich pahružanaja sistema załpavaha ahniu, padobnaja na RSZA «Hrad-1». Bai na pamiežnych terytoryjach Kurskaj vobłaści praciahvajucca z ranicy 6 žniŭnia.