Pravaabaroncy: Pad novyja sankcyi Vialikabrytanii trapili načalniki kałonij, jakija asabista akazvali cisk i źbivali palitviaźniaŭ
Pad sankcyi trapili piać čałaviek.
09.08.2024 / 15:42
Fota: Viasna
Pad novyja sankcyi Vialikabrytanii trapili načalniki kałonij, jakija asabista akazvali cisk i źbivali palitviaźniaŭ, piša «Viasna».
Paviedamlajecca, što pad novyja sankcyi Łondana patrapili fizičnyja asoby:
Alaksiej Łazarenka, načalnik PK №15;
Asabista źbivaŭ asudžanaha da dvuch hadoŭ pazbaŭleńnia voli Arcioma Aniščuka paśla prakurorskaj pravierki.
Andrej Palčyk, były načalnik PK №1;
Palčyk byŭ viadomy katavańniami ŭ navapołackaj kałonii. Pa jaho zahadzie viaźniaŭ źbivali, katavali i ŭtrymlivali ŭ biesčałaviečych umovach. Pravaabaroncam viadomy vypadki, kali jon asabista prymaŭ u hetym udzieł.
Filip Sturčanka, načalnik PK №3;
Były palitviazień raspaviadaŭ, jak Filip Sturčanka asabista prychodziŭ u kamieru ŠIZA, kab źbivać palitviaźniaŭ. Mienavita ŭ hetaj kałonii pamiorli palitviaźni Vadzim Chraśko i Mikałaj Klimovič.
Dzianis Taŭściankoŭ, načalnik PK №4.
U svoj čas Andrej Šarenda raspaviadaŭ, što adkaznym za čarhovy cisk na Palinu źjaŭlaŭsia načalnik homielskaj kałonii, padpałkoŭnik Dzianis Taŭściankoŭ