U Minsku z cysterny raźlivałasia niebiaśpiečnaje chimičnaje rečyva
abnoŭlena
U Minsku kala vulicy Kazinca zaŭvažyli kropielny praciok z čyhunačnaj cysterny ź intensiŭnaściu 15-20 kroplaŭ u chvilinu niebiaśpiečnaha chimičnaha rečyva — bienziłchłarydu, paviedamiła MNS.
09.08.2024 / 16:59
Ilustracyjnaje fota.
Na miescy ciapier pracujuć śpiecyjalisty chimičnaj i radyjacyjnaj abarony MNS.
Padrabiaznaści zdareńnia viedamstva pakul nie raskryvaje.
Cieču vyjavili čyhunačniki pry farmiravańni sastava. Vahon adpravili na stancyju «Minsk-Sartavalny» dla likvidacyi ciečy.
Supracoŭniki MNS zabiaśpiečyli bieśpierabojnuju padaču vady na astudžeńnie kantejniera sa 100 °C da 23 °C, a taksama asadžeńnie paroŭ rečyva, stvaryli piennuju padušku. Paśla hetaha kantejnier adčynili i dastali jomistaści z rečyvam.
Paciarpiełych niama, evakuacyja nie pravodziłasia. Pahrozy žyćciu i zdaroŭju nasielnictva niama, śćviardžaje MNS.
U Asipovičach zahareŭsia budynak rajvykankama
U Minsku z-za zalevy ŭčora znoŭ zatapiła padziemny parkinh i handlovy centr
Žančyna kipiaciła vadu i zasnuła. Zhareła kvatera