Prablemu z vyciekam bienziłchłarydu z cysterny ŭ Minsku vyrašyli
MNS paviedamiła padrabiaznaści pra nazvyčajnuju situacyju, jakaja siońnia zdaryłasia na čyhuncy ŭ rajonie vulicy Kazinca.
09.08.2024 / 18:44
Praciok z cysterny, u jakoj znachodziłasia niebiaśpiečnaje chimičnaje rečyva bienziłchłaryd, zaŭvažyŭ dziažurny piersanał stancyi pry farmiravańni składu ciahnika.
Paśla vyjaŭleńnia prablem čyhunačniki adbuksiravali vahon na stancyju «Minsk-Sartavalnaja» dla jaje likvidacyi.
«Rabotnikami MNS zabiaśpiečanaja bieśpierabojnaja padača vady na astudžeńnie kantejniera sa 100°C da 23°C, a taksama asadžeńnie paroŭ vyciakajučaha rečyva, stvoranaja piennaja paduška. Paśla čaho kantejnier byŭ uskryty i pačatyja raboty pa vymańni jomistaściaŭ», — paviedamili ŭ MNS.
Paciarpiełych u vyniku zdareńnia niama, evakuacyja ludziej nie pravodziłasia. Pahrozy žyćciu i zdaroŭju nasielnictva ciapier taksama, jak śćviardžajecca, niama.
U Minsku z cysterny raźlivałasia niebiaśpiečnaje chimičnaje rečyva
U Asipovičach zahareŭsia budynak rajvykankama
U Minsku z-za zalevy ŭčora znoŭ zatapiła padziemny parkinh i handlovy centr