Арцём Быкаў з мінскага «Дынама» перайшоў у грэцкую «Ламію»
Толькі ў чацвер ён быў на матчы з гібралтарскім «Лінкальнам».
09.08.2024 / 22:58
31-гадовы паўабаронца мінскага «Дынама» Арцём Быкаў стаў гульцом грэцкага футбольнага клуба «Ламія», паведамляе тэлеграм-канал ЧестнОК.
Толькі ў чацвер ён быў на матчы з гібралтарскім «Лінкальнам», праўда, на поле не выйшаў, прасядзеўшы ў запасе.
У мінулым годзе «Ламія» фінішавала на шостым месцы ў Суперлізе Грэцыі. Новы сезон стартуе праз тыдзень. За «Астэрас» выступае Яўген Яблонскі.
У рэйтынгу нацыянальных асацыяцый УЕФА Грэцыя знаходзіцца на 14-е месцы паміж Даніяй і Аўстрыяй. Беларусь — 52-я.
Польшча, дзе гуляюць Ілля Шкурын і Яўген Шыкаўка, — 18-я, Венгрыя Уладзіслава Клімовіча — 22-я, у складзе партугальскай «Ароўкі» лічыцца Уладзіслаў Марозаў. Партугальскі чэмпіянат — 7-ы ў гэтым рэйтынгу.