Arciom Bykaŭ ź minskaha «Dynama» pierajšoŭ u hreckuju «Łamiju»
Tolki ŭ čaćvier jon byŭ na matčy z hibrałtarskim «Linkalnam».
09.08.2024 / 22:58
31-hadovy paŭabaronca minskaha «Dynama» Arciom Bykaŭ staŭ hulcom hreckaha futbolnaha kłuba «Łamija», paviedamlaje telehram-kanał ČiestnOK.
Tolki ŭ čaćvier jon byŭ na matčy z hibrałtarskim «Linkalnam», praŭda, na pole nie vyjšaŭ, prasiadzieŭšy ŭ zapasie.
U minułym hodzie «Łamija» finišavała na šostym miescy ŭ Supierlizie Hrecyi. Novy siezon startuje praz tydzień. Za «Asteras» vystupaje Jaŭhien Jabłonski.
U rejtynhu nacyjanalnych asacyjacyj UEFA Hrecyja znachodzicca na 14-je miescy pamiž Danijaj i Aŭstryjaj. Biełaruś — 52-ja.
Polšča, dzie hulajuć Illa Škuryn i Jaŭhien Šykaŭka, — 18-ja, Vienhryja Uładzisłava Klimoviča — 22-ja, u składzie partuhalskaj «Aroŭki» ličycca Uładzisłaŭ Marozaŭ. Partuhalski čempijanat — 7-y ŭ hetym rejtynhu.