Źviestki biełaruskaha režysiora Andreja Hniota vydalili z sistemy Interpała
«Heta značyć, što nivodnaja kraina bolš nie zmoža jaho zatrymać na zapyt Biełarusi», — patłumačyŭ advakat Vadzim Drazdoŭ.
10.08.2024 / 12:15
Interpał svaim rašeńniem ad 5 žniŭnia 2024 hodu zadavoliŭ na zapyt advakata Vadzima Drazdova i vydaliŭ sa svajoj Infarmacyjnaj sistemy źviestki biełarusa Andreja Hniota, paviedamiŭ Svabodzie advakat Andreja Hniota Vadzim Drazdoŭ.
«Heta značyć, što nivodnaja kraina bolš nie zmoža jaho zatrymać na zapyt Biełarusi», — patłumačyŭ Vadzim Drazdoŭ.
Jak raspavioŭ Svabodzie advakat Hniota, jon nakiravaŭ zapyt u Interpał ab tym, što ekstradycyja supiarečyć Kanstytucyi Interpała, 3 listapada 2023 hoda, praktyčna adrazu paśla zatrymańnia biełaruskaha režysiora.
«Krychu paźniej my dapoŭnili našy arhumenty i ŭ lutym nas prainfarmavali, što źviestki pra Andreja Hniota zabłakavali ŭ sistemie da pryniaćcia kančatkovaha rašeńnia. Zvyčajna takoje rašeńnie prymajecca na praciahu 9 miesiacaŭ, ale ŭžo 5 žniŭnia Hienieralny sakrataryjat vyrašyŭ zadavolić zapyt», — dadaŭ Vadzim Drazdoŭ.
Raniej, pavodle jurysta, była atrymanaja biesprecedentnaja reakcyja Jeŭrapiejskaha suda pa pravach čałavieka (JESPČ) na źniavoleńnie Andreja Hniota ŭ Sierbii.