Aŭtobusnyja čerhi na miažy ź Litvoj źnikli. Daroha ŭ Vilniu zajmaje 6-7 hadzin
Sajt Pamiežnaha kamiteta daje takija źviestki pa stanie na 12:00 suboty.
10.08.2024 / 13:09
U «Kamiennym Łohu» pierad zonaj čakańnia z ranicy čarhi z aŭtobusaŭ niama, staić 160 lehkavikoŭ.
U «Bieniakoniach» — taksama čarhi z aŭtobusaŭ niama. Staić 130 lehkavikoŭ.
U čatach pišuć, što daroha ŭ Vilniu na aŭtobusie zajmaje 6-7 hadzin, ź Vilni ŭ Minsk — 6 hadzin.
U kancy minułaha tydnia i ŭ pačatku hetaha tydnia daroha zajmała 20 hadzin.
Razam z tym moža zachoŭvacca nievialikaje spaźnieńnie aŭtobusaŭ na kancavyja punkty prybyćcia.
Tak admysłovy telehram-kanał Minsktransa paviedamlaŭ, što ranicaj aŭtobus Vilnia — Minsk, časam adpraŭleńnia ź Vilni ŭ bok Minska ŭ 8.00, vyjechaŭ ź dziaržaŭnaj miažy Litvy ŭ bok stalicy Litvy tolki ŭ 8.44.
Ale ŭžo aŭtobus Vilnia — Minsk adpraŭleńniem ź Vilni ŭ 14.00, vyjechaŭ ź miažy Litvy ŭ bok stalicy krainy ŭ 12:49. To-bok spaźnieńnie vyjezdu sa stalicy Litvy, kali i budzie, to niaznačnym.
Razam z tym na miažy z Polščaj pa stanie na 12:00 u punkcie propusku «Brest» staić 51 aŭtobus i 490 lehkavikoŭ.