Музыку Дзмітрыя Шалака асудзілі да трох з паловай гадоў калоніі
З 1 па 8 жніўня суддзя Наваполацкага гарадскога суда Таццяна Хрыпач разбірала справу бубнача наваполацкага гурта Paranoia Dolls Дзмітрыя Шалака і вынесла па ёй прысуд, піша «Віцебская вясна».
10.08.2024 / 17:55
Дзмітрый Шалак
Паводле матэрыялаў крымінальнай справы, Дзмітрый Шалак з ліпеня 2021 года па красавік 2022 года ў розных тэлеграм-суполках размясціў з мабільнага тэлефона шэраг каментароў. У іх нібыта ўтрымліваліся «выражаныя ў непрыстойнай форме абразы ў адрас кіраўніка дзяржавы, а таксама прадстаўнікоў улады».
Суд прызнаў Дзмітрыя Шалака вінаватым паводле ч. 1 арт. 368 КК (абраза Лукашэнкі) і паводле арт. 369 КК (абраза прадстаўніка ўлады).
У выніку Дзмітрыя асудзілі да трох з паловай гадоў пазбаўлення волі з адбываннем пакарання ў папраўчай калоніі ва ўмовах агульнага рэжыму і да штрафу памерам 200 базавых велічыняў (8 тысяч рублёў). Сёлета ў лютым мужчына ўжо быў асуджаны па гэтых самых крымінальных артыкулах.
Пенсіянерцы з Брэста далі тры з паловай гады калоніі за дапамогу палітвязням
За чатыры гады з пачатку пратэстаў затрымалі 65 тысяч чалавек
Выйшаў на волю палітвязень Руслан Акостка