MZS pahražaje vyhnać ź Biełarusi pasolstva Ukrainy
U MZS Biełarusi vyklikali časovuju pavieranuju ŭ spravach Ukrainy ŭ Biełarusi Volhu Cimuš i zajavili joj pratest u suviazi ź incydentam ź bieśpiłotnikami, paviedamlaje pres-słužba ministerstva.
10.08.2024 / 19:18
Ukrainskaj dypłamatcy byŭ zajaŭleny rašučy pratest i pieradadziena adpaviednaja nota ŭ suviazi z parušeńniem biełaruskaj miažy hrupaj bieśpiłotnikaŭ z terytoryi Ukrainy. MZS zapatrabavaŭ pryniać miery dla vyklučeńnia ŭ budučyni padobnych incydentaŭ i papiaredziŭ, što pakidaje za saboj prava raspačać kroki ŭ adkaz, kali jany paŭtoracca.
Zajaŭlena taksama, što kali pasolstva Ukrainy nie zmoža ŭpłyvać na «pravakacyi Kijeva», to budzie pastaŭlena pytańnie ab metazhodnaści jaho prysutnaści ŭ Minsku.
Pra źniščeńnie pavietranych celaŭ z Ukrainy nad terytoryjaj Biełarusi zajaŭlaŭ siońnia Łukašenka. Paśla taho jon zahadaŭ uzmacnić hrupoŭki vojskaŭ na miažy z Ukrainaj kala Homiela i Mazyra.
Va Ukrainie raskazali pra sprobu Łukašenki dapamahčy Pucinu
Chrenin: «Pałanez» i «Iskander» atrymali zadačy na ździajśnieńnie maršaŭ na ŭkrainskuju miažu
Chrenin: Łukašenka zahadaŭ uzmacnić hrupoŭki vojskaŭ na miažy z Ukrainaj kala Homiela i Mazyra
Łukašenka zajaviŭ pra źniščeńnie pavietranych celaŭ z Ukrainy nad terytoryjaj Biełarusi