Biełarusam i rasijanam dazvolili ŭziać udzieł u cyrymonii zakryćcia Alimpijady
Vykankam Mižnarodnaha alimpijskaha kamiteta vyrašyŭ, što indyvidualnyja niejtralnyja atlety (AIN), to-bok spartsmieny ź Biełarusi i Rasii, zmohuć uziać udzieł u cyrymonii zakryćcia Alimpijskich hulniaŭ u Paryžy, paviedamiła pres-słužba MAK.
10.08.2024 / 23:41
Takoje rašeńnie było pryniata na padstavie taho, što ŭ cyrymonii zakryćcia biaruć udzieł nie kamandy, a ŭsie spartsmieny razam. Ściaha AIN na cyrymonii nie budzie.
«U Paryžy zastałasia tolki nievialikaja kolkaść indyvidualnych niejtralnych atletaŭ, jakija mahli b uziać udzieł u cyrymonii zakryćcia», — zajavili ŭ MAK.
Nahadajem, što ŭ Alimpijadzie ŭ Paryžy brali ŭdzieł jak niejtralnyja 17 spartsmienaŭ ź Biełarusi ŭ dziesiaci vidach sportu i 15 z Rasii — u piaci. Biełarusy ŭ vyniku zavajavali 4 miedali (1 załaty, 2 srebranych i 1 bronzavy), a rasijanie — 1 srebrany.
Apošnija biełarusy vystupili ŭ spabornictvach siońnia, ciažkaatlet Jaŭhien Cichancoŭ zavajavaŭ bronzavy miedal.
Alimpijadu ŭ Paryžy zakryjuć zorki? Što viadoma pra šou ŭ niadzielu
Julija Truškina finišavała piataj na dystancyi 200 mietraŭ na kanoe
Jaŭhien Cichancoŭ — bronzavy pryzior Alimpijady ŭ Paryžy
Uładzisłaŭ Kraviec finišavaŭ čaćviertym na dystancyi 1000 mietraŭ
Mahamiedchabib Kadzimahamiedaŭ prajhraŭ boj za bronzu