Praŭładnyja telehram-kanały prahnazavali pajezdku Łukašenki na hranicu z Ukrainaj. Zamiest hetaha jon inśpiektuje kałhas pad Oršaj
Učora Alaksandr Łukašenka zajaviŭ pra źniščeńnie na ŭschodzie Biełarusi niekalkich pavietranych celaŭ, jakija lacieli z boku Ukrainy.
11.08.2024 / 12:01
Reakcyjaj na heta staŭ jahony zahad ab uzmacnieńni hrupoŭki vojskaŭ na Homielskim i Mazyrskim kirunkach. A Minabarony pakazała kadry pierakidvańnia techniki ŭ pryznačanyja rajony.
Dziaržaŭnyja ŚMI ŭ svaju čarhu pačali kampaniju pa abvinavačańni Ukrainy ŭ žadańni ŭciahnuć u vajnu Biełaruś. A telehram-kanał «Biełaruski siłavik», jaki maje bolš za 309 tysiač padpisčykaŭ, napisaŭ, što ŭ niadzielu Łukašenka «vierahodniej za ŭsio» pajedzie na hranicu z Ukrainaj.
Skrynšot dopisa telehram-kanała «Biełaruski siłavik»
Hety dopis pierapościli mnohija telehram-kanały, siarod jakich jość i kanał hrodzienskaha HUBAZiK.
Padobna, ananimny aŭtar «Biełaruskaha siłavika» vydaŭ žadanaje za rečaisnaść. Bo pres-słužba Łukašenki ŭ niadzielu apublikavała fota, jak Łukašenka pryjechaŭ u ahrakambinat «Jubilejny» ŭ Aršanskim rajonie.
Minabarony pakazała, jak pierakidaje techniku da miažy z Ukrainaj
Deputatka pra źbityja nad Biełaruśsiu drony: Ukraina bjecca ŭ kanvulsijach i ahonii
MZS pahražaje vyhnać ź Biełarusi pasolstva Ukrainy