Va ŭźbiekskaha treniera na Alimpijadzie zdaryŭsia sardečny prystup. Jaho vyratavali brytanskija miedyki
Tryumf baksioraŭ z Uźbiekistana ledź nie azmročyŭsia trahiedyjaj.
11.08.2024 / 12:20
Uźbiekistan na Alimpijadzie ŭ Paryžy zavajavaŭ vosiem załatych miedaloŭ, piać ź jakich prynieśli baksiory. Ich treniruje Tułkin Kiličaŭ, ź imiem jakoha źviazvajuć tryumf uźbiekaŭ.
Tułkin Kiličaŭ (u centry)
Paśla finalnaha boju Chasanboja Dusmatava Kiličavu rezka stała kiepska ŭ zonie raźminki. Na dapamohu pryšli daktary kamandy Vialikabrytanii Chardž Sinhch i Robi Lilis. Z dapamohaj defibrylatara jany vyratavali žyćcio ŭźbiekskamu trenieru.
«Spačatku ŭsio było kiepska, ale prykładna praz 20-30 siekund, paśla taho jak Chardž praciahnuŭ pravodzić sardečna-lohačnuju reanimacyju, jon raptam pryjšoŭ u prytomnaść, i heta było vydatna», — skazaŭ Lilis.
Robi Lilis i Chardž Sinhch. Fota: The Telegraph
Kiličava dastavili ŭ balnicu. Jaho stan aceńvajecca jak stabilny. U zbornaj Uźbiekistana admovilisia ad padrabiaznych kamientaroŭ pa situacyi, tolki zajaviŭšy, što z Kiličavym usio ŭ paradku i ciapier jamu našmat lepš.