U alpinista ź Biełarusi zdaryŭsia aciok lohkich u harach Kabardzina-Bałkaryi. Jaho evakuiravali viertalotam
Biełaruskamu turystu padčas uzychodžańnia stała kiepska. 34-hadovaha mužčynu pieradali bryhadzie chutkaj dapamohi.
11.08.2024 / 16:47
Ilustracyjny zdymak. Fota: MNS RF
Ratavalniki MNS RF na viertalocie evakuiravali alpinista ź Biełarusi, jakomu stała drenna padčas uzdymu ŭ Čerekskim rajonie Kabardzina-Bałkaryi, paviedamiŭ «Sputnik».
Infarmacyja ab tym, što turystu nieabchodna dapamoha, pastupiła ŭ MNS u 09:00 pa minskim časie ŭ niadzielu, 11 žniŭnia, jon znachodziŭsia ŭ Čerekskim rajonie na hary Džanhikoš na vyšyni 3,2 tysiačy mietraŭ.
«Udzielniku turystyčnaj hrupy stała kiepska. Zarehistravanaja hrupa ź siami čałaviek prachodziła pa maršrucie», — havorycca ŭ paviedamleńni.
Pa źviestkach upraŭleńnia, ratavalniki na viertalocie evakuiravali 34-hadovaha mužčynu ŭ Nalčyk i pieradali bryhadzie chutkaj dapamohi.
Pa papiaredniaj infarmacyi biełaruskaha alpinista adbyŭsia aciok lohkich.
Raniej u lipieni biahučaha hoda ŭ ciaśninie Iryk-Čat u Kabardzina-Bałkaryi zahinuŭ biełaruski turyst, jaki sarvaŭsia sa skały. Jaho cieła evakuiravali, a astatnija ŭdzielniki hrupy, u jakuju jon uvachodziŭ, zastalisia na maršrucie.