Пайшоў папіць і заблудзіўся. Сталі вядомыя падрабязнасці гісторыі знікнення хлопчыка ў Шчучынскім раёне
Знайшлі дзіця мясцовыя жыхары, якія адправіліся шукаць яго з міліцыяй і МНС.
11.08.2024 / 20:25
Трохгадовага хлопчыка, які згубліўся ў лесе ў Шчучынскім раёне, знайшлі мясцовыя жыхары, паведаміў «Спутніку» кіраўнік ПСА «Анёл» Сяргей Коўган.
Дзіця знікла ў нядзелю, 11 жніўня, каля 14:30 у лесе каля вёскі Даўлюдаўшчына. Шукаць яго адправіліся супрацоўнікі мясцовага РАУС, МНС, вайскоўцы ўнутраных войскаў і добраахвотнікі.
Па словах Коўгана, хлопчык з дзядулем і бацькам адправіўся за грыбамі, у нейкі момант ён захацеў піць і пайшоў да машыны па ваду, якая знаходзіцца непадалёк.
Усяго каля 320 чалавек шукалі малога на працягу чатырох гадзін.
«Знайшлі хлопчыка мясцовыя жыхары за два кіламетры ад месца, дзе знаходзіліся дарослыя», — сказаў Коўган.
Ён таксама адзначыў, што дзіця ў медыцынскай дапамозе не мела патрэбу, і яго перадалі бацькам.