Za noč byli źbityja 18 ukrainskich bieśpiłotnikaŭ — Minabarony Rasii
Nie ŭličanaja ataka bieśpiłotnikaŭ pad Maskvoj.
12.08.2024 / 07:28
Ilustracyjnaje fota: Efrem Lukatsky / AP
Ministerstva abarony Rasii śviardžaje, što za noč nad tryma abłaściami byli źbityja 18 ukrainskich bieśpiłotnikaŭ. Pry hetym ministerstva nie zhadvaje tyja drony, pra jakija niadaŭna napisaŭ hubiernatar Rastoŭskaj vobłaści, a taksama mierkavanuju ataku dronaŭ na aeradrom pad Maskvoj.
Pavodle karotkaha paviedamleńnia rasijskaha vajskovaha viedamstva, u noč na paniadziełak nad Kurskaj vobłaściu byli źbityja 11 ukrainskich bieśpiłotnikaŭ samalotnaha typu, nad Biełharodskaj — piać, nad Varoniežskaj — dva.
Za paŭhadziny da źjaŭleńnia pres-relizu Ministerstva abarony hubiernatar Rastoŭskaj vobłaści Rasiei Vasil Hołubieŭ napisaŭ u telehramie, što ŭnačy nad vobłaściu byli źbityja čatyry ŭkrainskija drony.
Akramia taho, pad Maskvoj, kala vajskovaha aeradroma Čkałaŭski, pavodle niepravieranych źviestak ź miascovych krynic, unačy stralali pa adnym abo niekalkich bieśpiłotnikach.