Čatyroch bieraściejcaŭ adpravili ŭ kałoniju za ŭdzieł u pratestach u 2020 hodzie
8 žniŭnia sud Leninskaha rajona prysudziŭ čatyroch bieraściejcaŭ da kałonii pavodle artykuła ab hrubym parušeńni paradku (častka 1 artykuła 342 KK), paviedamlaje pres-słužba Viarchoŭnaha suda.
12.08.2024 / 16:00
Akcyja pratestu ŭ Breście 10 žniŭnia 2020 hoda. Fota: Binokl
Aleha Litvinčuka i bratoŭ Maćvieja i Leanida Avierčuka prysudzili da 1,5 hadoŭ kałonii ahulnaha režymu. Alaŭcinu Hudkovu — da hoda kałonii.
Bieraściejcaŭ abvinavacili ŭ tym, što z 10 da 11 žniŭnia 2020 hoda, znachodziačysia ŭ centry horada, jany vykrykvali łozunhi, demanstravali BČB-ściahi i pieraškadžali ruchu transpartu. Usie abvinavačanyja całkam pryznali vinu.
Pra zatrymańnie siłavikami bratoŭ Avierčukoŭ stała viadoma ŭ pačatku červienia. Na milicejskim videa mužčyny kazali, što 10 žniŭnia 2020 hoda jany znachodzilisia na praśpiekcie Mašerava ŭ horadzie, kali tam byli pratestoŭcy.
Jašče vaśmi žycharam Bresta dali kałoniju za ŭdzieł u akcyi pratestu ŭ žniŭni 2020 hoda
Aktyvistu Jaŭhienu Afnahielu ŭzmacnili režym i pieraviali ŭ mahiloŭskuju turmu
Muzyku Dźmitryja Šałaka asudzili da troch z pałovaj hadoŭ kałonii