Źjavilisia spadarožnikavyja zdymki razburanaj hazavymiaralnaj stancyi «Sudža»
Rasijskaja słužba «Radyjo Svaboda» apublikavała spadarožnikavyja zdymki razburanaj hazavymiaralnaj stancyi ŭ Sudžy Kurskaj vobłaści.
12.08.2024 / 16:19
Na fota ad 11 žniŭnia bačna, što adzin z administracyjnych budynkaŭ stancyi i adna ź placovak z abstalavańniem razburanyja praktyčna całkam. Z analizu zdymkaŭ vynikaje, što adny paškodžańni źjavilisia pamiž 9 i 10 žniŭnia, inšyja — pamiž 10 i 11 žniŭnia.
«Hazprom» śćviardžaje, što rasijski haz prapampoŭvajecca praz Sudžu ŭ štatnym režymie. Ciapier heta adziny šlach pastaŭki rasijskaha hazu praz Ukrainu ŭ Jeŭropu.
Dakładna nieviadoma, ci kantralujuć ukrainskija vajskoŭcy Sudžu, ale zdymki pakazvajuć, što jany tam dziejničajuć.
Pucin zajaviŭ, što «kiraŭniki kijeŭskaha režymu stali na šlach źniščeńnia ŭkrainskaha naroda»
Spačatku maŭčańnie, potym — burnaja reakcyja. Chto prymusiŭ Łukašenku mitusicca