Nazvana ličba źbitych ukrainskich dronaŭ u niebie nad Biełaruśsiu. Jana ŭražvaje
SPA Biełarusi 9 žniŭnia źbiła nad Mahiloŭskaj vobłaściu 13 bieśpiłotnikaŭ, jakija lacieli z Ukrainy. Takuju infarmacyju pieradaje TASS sa spasyłkaju čamuści na namieśnika načalnika fakulteta Vajennaj akademii RB.
12.08.2024 / 16:36
Pakul inšych padrabiaznaściaŭ niama.
Pavodle manitorynhavaj hrupy «Biełaruski Hajun», 9 žniŭnia 2024 hoda padčas vyletaŭ avijacyi US RB nijakich dronaŭ vyjaŭlena nie było. Taksama nie było nijakich zapuskaŭ rakiet sa źniščalnika SU-30 abo viertalota Mi-24.
«Biełaruski Hajun» robić vysnovu, što infarmacyja Łukašenki pra źbity ŭkrainski dron nad Biełaruśsiu «źjaŭlajucca zvyčajnaj łuchtoj».
Mienavita na padstavie nibyta źbitych dronaŭ Łukašenka zahadaŭ uzmacnić hrupoŭku biełaruskaj armii na miažy z Ukrainaj.
10 žniŭnia na telekanale ANT źjaviłasia videa ad Ministerstva abarony Biełarusi z, jak śćviardžajecca, reštkami źbitych ukrainskich bieśpiłotnikaŭ.