Palitviaźniu Cimuru Ryzapuru, u jakoha vypuścili piać humovych kul, dadali hod kałonii za niepadparadkavańnie administracyi
Sud adbyŭsia jašče ŭ lipieni, ale pra jaho stała viadoma tolki ciapier.
12.08.2024 / 21:21
Pavodle infarmacyi bresckaj «Viasny», sudździa Natalla Panasienka (Leninski sud Mahilova) dadała Cimuru 1 hod kałonii pa č. 2 art. 411 KK RB (złosnaje niepadparadkavańnie administracyi kałonii).
Cimura zatrymali 30 vieraśnia 2020 hoda ŭ Breście. Uviečary 10 žniŭnia, kali jon viartaŭsia z pracy dadomu, jaho padstrelili humavymi kulami piać razoŭ: adzin raz — u žyvot i čatyry razy — u jahadzicu.
Paźniej jaho abvinavacili va «ŭdziele ŭ masavych biesparadkach» pavodle č. 2 art. 293 KK.
Cimuru pryznačyli 4,5 hoda kałonii. Termin palitviazień spačatku adbyvaŭ u navapołackaj kałonii. Administracyja rehularna źmiaščała jaho ŭ štrafny izalatar, a potym pieraviała ŭ PKT. Paźniej jamu ŭzmacnili pakarańnie i pieraviali na turemny režym.
Cimura na voli čakajuć žonka i troje niepaŭnahadovych dziaciej.