Vyvoziać cełymi viodrami i navat bahažnikami. Na Hrodzienščynie nievierahodny hrybny bum
Adnak, niahledziačy na vialiki ŭradžaj, ceny na rynkach usio jašče vysokija.
13.08.2024 / 14:29
Fota: Newgrodno.by
U lasach pad Hrodnam na vychodnych było litaralna nie pracisnucca, a dzie-nidzie na lasnych darohach źbiralisia navat zatory. Ale heta nie pieraškodziła ludziam sabrać vialiki ŭradžaj.
Brali ŭ asnoŭnym baraviki. Takoha nie było daŭno. U hetym siezonie biełyja rezka stali raści litaralna ŭsiudy: u starych lasach, u maładniakach, u liścianych i chvajovych pasadkach.
Fota: Newgrodno.by
Hryboŭ vielmi šmat. Zvyčajny pachod u les zaviaršajecca poŭnymi viodrami i košykami. Chtości rabiŭ niekalki zachodaŭ: jak vynik — poŭny bahažnik.
Fota: Newgrodno.by
Parečča ž, jak i zvyčajna, stała miescam pałomnictva dla tych, chto lubić lisički. Hetych hryboŭ u lasach taksama dastatkova. Na rynkach i ŭ sacsietkach dastatkova prapanoŭ i ab prodažy hryboŭ. Chtości navat abiacaje pradać z dastaŭkaj. Ale nie varta dumać, što niabačany ŭradžaj u lesie źbiŭ canu na hryby. Heta pa-raniejšamu darahi tavar.
Fota: Newgrodno.by
Naprykład, maleńkija maładyja baravički pradajuć pa 25 rubloŭ za kiło. Za 15 rubloŭ hatovyja addać vialikija hryby.
Fota: Newgrodno.by
Fota: Newgrodno.by
Fota: Newgrodno.by
Na lisički roskid cen krychu bolšy. Jość varyjanty ŭ rajonie 7-10 rubloŭ za kiłahram.