У Мінску затрымалі расійскага тыктокера з 5 млн падпісчыкаў — і прымусілі выбачацца
Блогер прыехаў у Беларусь да сябра на дзень нараджэння і зняў некалькі ролікаў, якія зацікавілі сілавікоў.
13.08.2024 / 14:45
Скрыншот відэа МУС
Сілавікі ў Мінску затрымалі папулярнага расійскага тыктокера Глебаса — у яго 5,2 млн падпісчыкаў у тыктоку і яшчэ 150 тысяч у Instagram.
Міліцыю зацікавілі два ролікі, якія Глеб Дзямідаў зняў у сталіцы і, мяркуючы па ўсім, апублікаваў у выглядзе паведамленняў у сваім тэлеграм-канале.
На першым роліку блогер увайшоў у кабіну тралейбуса на прыпынку недалёка ад вакзала і збянтэжыў жанчыну-кіроўцу. На другім — гучна распавёў нецэнзурны анекдот у вагоне метро.
У выніку сілавікі запісалі з Глебасам сваё відэа, на якім прымусілі блогера папрасіць прабачэння за тое, што ён «падаў няправільны прыклад моладзі».
Тыктокер на камеру кажа, што больш такім займацца не будзе, каб «моладзь была роўная на іншыя прыклады — той жа спорт».
На відэа сілавікоў Глеба распавёў, што прыехаў у Мінск на дзень нараджэння сябра. МУС паведамляе, што на блогера склалі пратакол за дробнае хуліганства.