U rasijskim Nižnim Noŭharadzie na dvuch školnikaŭ zaviali kryminalnuju spravu ab vajennych fejkach
Danos napisała dyrektarka liceja.
14.08.2024 / 07:06
Ilustracyjnaje fota UUS Homielskaha abłvykankama
Na dvuch školnikaŭ 2006 hoda naradžeńnia zaviali kryminalnuju spravu ab raspaŭsiudzie vajennych «fejkaŭ» hrupaj asob paśla danosu dyrektarki liceja, u jakim jany vučylisia, piša OVD-Info.
Doma ŭ junakoŭ prajšli pieratrusy, a ich samich zatrymali. Chutka im vystaviać abvinavačvańnie i abiaruć mieru strymańnia.
Spravu raspačali z-za rolika, u jakim junaki «ŭ śćviardžalnaj formie raspaŭsiudžvajuć infarmacyju, jakaja hanić rasijskuju armiju.
Vierahodna, havorka idzie pra videa, praź jakoje ŭ listapadzie 2023 hoda na padletkaŭ skłali pratakoły ab dyskredytacyi vojska.
U tym videa junaki doma na kuchni abmiarkoŭvali rasijskaje ŭvarvańnie va Ukrainu. Pieršapačatkova rolik apublikavali ŭ telehram-kanale na 26 čałaviek, a paźniej nieviadomy dasłaŭ spasyłku na poštu liceja.