Ikony i košyk dla bializny z pazałočanymi nožkami. U Minsku pradajuć niezvyčajny dom FOTY
Asabniak ź niezvyčajnym interjeram znachodzicca na vulicy Bałotnaj u Ściapiancy. Za niakidkim fasadam chavajecca sapraŭdny šyk.
14.08.2024 / 12:06
Tut i dalej — foty ahienctva nieruchomaści «Avanhard»
Dom — draŭlany, 1976 hoda pabudovy, uciepleny i ababity panelami PVCH.
Rekanstrukcyja z prybudovami była praviedziena ŭ 2013 hodzie. Ahulnaja płošča doma 171 m2, žyłaja płošča 90,2 m2. Dom padzieleny na dźvie častki z dvuma asobnymi ŭvachodami, paviedamlaje ahienctva nieruchomaści «Avanhard».
Dom i ŭčastak aharodžany płotam. La płota pa pierymietry doma vykładzienaja plitka. Z kamunikacyj — centralnaja vada, miascovaja kanalizacyja, hazavaje aciapleńnie, elektryčnaść. Učastak płoščaj 5,73 sotki znachodzicca ŭ pažyćciova spadčynnaj ułasnaści. Dom aciaplajecca hazavym katłom. Vyšynia stoli — 2,87 m.
Paviedamlajecca, što tut dobraja transpartnaja raźviazka. Aŭtobusny prypynak za 300 mietraŭ. U krokavaj dastupnaści čyhunačnaja stancyja «Ściapianka».
U domie vyrableny ramont z vykarystańniem darahich materyjałaŭ. Pastaŭleny płastykavyja škłopakiety, mietaličnyja dźviery.
U interjery šmat pazałoty, šykoŭnych žyrandolaŭ, abrazoŭ i karcin z relihijnymi siužetami. Navat košyk dla bializny ŭ vannym pakoi vyhladaje doraha — na pazałočanych nožkach.
Sprava — toj samy košyk dla bializny z załatymi nožkami
Paviedamlajecca, što kaštuje dom 600 tysiač rubloŭ (abo 186 tysiač dalaraŭ).
Jakija kvatery i pa jakich cenach ciapier pradajuć u Novaj Baravoj?