Maci błohierki Volhi Takarčuk dali try hady kałonii
14.08.2024 / 14:38
U Minskim haradskim sudzie ahučyli vyrak Irynie Takarčuk — palitźniavolenaj i maci byłoj palitźniavolenaj i błohierki Volhi Takarčuk, piša «Kraina dla žyćcia».
Irynu zatrymali 23 studzienia ŭ miežach rejdu suprać rodzičaŭ palitviaźniaŭ. Uvieś hety čas jaje trymali ŭ SIZA.
U vyniku 64-hadovuju žančynu pryznali vinavataj u «sadziejničańni ekstremisckaj dziejnaści». Vyrak — try hady kałonii.
Dačka Iryny — Volha Takarčuk, trapiła ŭ pole zroku karnikaŭ raniej. Jana adsiedzieła bolš za hod pa palityčna matyvavanaj spravie.
Paśla aryštu maci Volha ź dziećmi vyjechała ź Biełarusi.
Padtrymajcie Irynu Takarčuk listami:
✉️SIZA-1: 223016, Navadvorski sielsaviet, 143/4, vioska Paškovičy, Minski rajon, Minskaja vobłaść.