Ajcišnika Vitala Łazaroviča zatrymali za «niehatyŭnyja kamientary suprać hramadzian Rasii»
Hubazikaŭcy pahražajuć jamu kryminalnaj spravaj.
14.08.2024 / 14:45
Vital Łazarovič. Fota ź jaho staronki Ukantakcie
Vitalu Łazaroviču 36 hadoŭ. Jon minčuk. Paśla skančeńnia Biełaruskaha nacyjanalnaha techničnaha ŭniviersiteta jon trochu papracavaŭ u Akademii navuk, a paśla pajšoŭ u IT. Ciapier pracuje frantend-raspracoŭščykam (čałaviek, jaki robić tuju častku prahramy, jakuju bačyć karystalnik) u adnoj ź minskich kampanij.
Jaho zatrymali kala tydnia tamu, a 8 žniŭnia dali sutki za «drobnaje chulihanstva».
Vitala vinavaciać u tym, što jon pakidaŭ kamientary ŭ telehramie. Miarkujučy pa videa siłavikoŭ, u kamientarach jon padtrymlivaŭ Ukrainu, a taksama asudžaŭ dziejańni siłavikoŭ i padtrymlivaŭ pratest.
Hubazikaŭcy śćviardžajuć, što suprać Vitala zaviali kryminalnuju spravu.