Na Paralimpijadzie ŭ Paryžy ad Biełarusi buduć udzielničać vosiem spartoŭcaŭ
Vystupać biełarusy ŭ francuzskaj stalicy buduć u niejtralnym statusie.
14.08.2024 / 15:17
Michael Reaves / Getty Images
Za miedali Paralimpijady ŭ Paryžy pazmahajucca vosiem biełaruskich spartoŭcaŭ, paviedamiŭ «Sputniku» namieśnik dyrektara RCAP pa paralimpijskich i deflimpijskich vidach sportu Alaksandr Flarko.
«U lohkaj atletycy vystupiać Lizavieta Dabravolskaja (kidańnie kapja), Uładzisłaŭ Hryb (kidańnie kłaba). Taksama za miedali Paralimpijady pazmahajucca płyŭcy Ihar Bokij, Dźmitryj Salej, Maksim Vaškievič, Jaŭhien Kavalonak, Jahor Ščałkanaŭ i Anastasija Zudziłava», — skazaŭ Flarko.
Vystupać biełaruskija spartsmieny ŭ francuzskaj stalicy buduć u niejtralnym statusie: biez himna, ściaha, nacyjanalnaj simvoliki.
Paralimpijada projdzie ŭ Paryžy z 28 žniŭnia pa 8 vieraśnia.
Na Paralimpijadzie ŭ Tokia ŭ 2021 hodzie biełarusy zavajavali siem miedaloŭ (piać załatych, adzin srebny, adzin bronzavy).