ES zabaraniŭ uvoz u Biełaruś sekand-chendu. MZS prakamientavała
MZS Biełarusi adreahavała na zabaronu z apošniaha pakieta sankcyj ES, zhodna ź jakoj u našu krainu zabaranili ŭvozić sekand-chend.
14.08.2024 / 18:08
Zdymak ilustracyjny. Fota: unsplash.com
Z adnaho boku, pres-sakratar Ministerstva zamiežnych spraŭ Anatol Hłaz ličyć, što hety krok — antyhumanny, a ź inšaha — naša lohkaja pramysłovaść ad hetaha vyjhraje.
«Hety krok źjaŭlajecca čarhovym paćviardžeńniem taho, što Jeŭrasajuz absalutna nie prytrymlivajecca łohiki humannaści ŭ pytańniach uviadzieńnia sankcyj, prymianiaje abmiežavańni na sacyjalna značnyja tavary, jakija karystajucca popytam, u tym liku, u małazabiaśpiečanych hramadzian, — skazaŭ jon.
Pavodle ekśpiertnych acenak, dola tavaraŭ sekand-chend u ahulnym abjomie spažyvańnia adzieńnia składała kala 35%, piša BIEŁTA. U roźnicu ich pradavali kala 2,8 tys. handlovych abjektaŭ, u tym liku ja internet-kramy.
Biełstat paličyŭ, što kožny hod u Biełaruś uvozicca b/k adzieńnia na sumu kala $60—80 młn.
«Zabarona ES na pastaŭku ŭ Biełaruś tavaraŭ sekand-chend stvoryć pieradumovy dla dalejšaha raźvićcia nacyjanalnaj vytvorčaści, supracoŭnictva z družalubnymi krainami i skarocić abjomy impartu niebiaśpiečnaj pradukcyi z šeraha krain Jeŭropy i ZŠA», — ličać u MZS.