Zarpłata da 3500 rubloŭ. Top vakansij dla ludziej biez vyšejšaj adukacyi
Jakija vakansii prapanujuć biełarusam dla pracy biez dypłoma VNU z zarpłataj vyšejšaj za siaredni ŭzrovień pa krainie, pahladzieŭ myfin.by.
14.08.2024 / 21:35
Na sajcie Dziaržaŭnaj słužby zaniataści źjaviŭsia šerah śviežych vakansij z vysokim zarobkam.
Pry hetym nie abaviazkova mieć vyšejšuju adukacyju, kab zarablać bolš za siaredniuju pa krainie.
Zarpłatu da 3500 rub. abiacajuć mularu (TAA «Pramhravij») i apierataru stankoŭ z prahramnym kiravańniem (AAT «BZTDiA»), da 3400 rub. - tokaru (AAT «MZKC»).
Mašynistu aŭtabietonapompy abiacajuć płacić u rajonie 3000 rub. Najmalnik — TAA «ŹBI №1» (Hrodna).
Takuju ž zarpłatu prapanujuć mašynistu lesanarychtoŭčaj mašyny. Najmalnikam pa vakansii vystupaje Słucki lashas.
AAT «AMKADOR» šukaje naładčyka stankoŭ i manipulataraŭ z prahramnym kiravańniem. Zarpłatnaja prapanova — 3000 rub.
Zarpłatu vyšejšuju za siaredni ŭzrovień pa krainie abiacajuć ślesaru-instrumientalščyku — 2600 rub. (TAA «PVCH Viest»), apierataru mašynnaha dajeńnia — 2600 rub. (AAT «Haradziłava»), mantažniku budaŭničych kanstrukcyj — 2300—2700 rub. (DP «Viciebski DSK»).