Ci treba myć malinu pierad tym jak jeści?
Aktualnaje pytańnie, raŭnaznačnaje zahadcy, što było raniej: kuryca abo jajka?
15.08.2024 / 12:27
Fota: «Hancavicki čas»
Pierad užyvańniem malinu nieabchodna myć, pakolki na joj mohuć być bakteryi i hrybki, jakija vyklikajuć roznyja zachvorvańni, raspaviała doktarka-dyjetołah Taćciana Kichcieva, piša «Minskaja praŭda».
Pavodle jaje słoŭ, u na malinie moža być brud i śmiećcie, jakoje traplaje na jahady padčas zboru abo transparciroŭki.
«Kali ludzi źbirajuć malinu, jany kranajuć jaje rukami. Transparciroŭka taksama moža zabrudžvać jaje pyłam. Tamu, kali myjem malinu, my vydalajem hety brud», — dadała Taćciana Kichcieva.
Akramia taho, jahada moža ŭtrymlivać reštki piestycydaŭ, jakija škodnyja dla zdaroŭja. Kali my pamyjem malinu, kolkaść škodnych rečyvaŭ pamienšycca.
«Kab jahady nie sapsavalisia i nie pieratvarylisia ŭ «kašu», nieabchodna myć ich niepasredna pierad tym, jak vy siadajecie jeści. Rabić heta treba pad prachałodnaj pratočnaj vadoj. Paśla taho jak vy pamyjecie malinu, nieabchodna adkinuć jaje na drušlak, kab ściakła lišniaja vada. Zatym prasušyć jahady papiarovym ručnikom abo čystaj tkaninaj i adrazu źjeści, kab jana nie ŭvabrała vadu», — parekamiendavała Taćciana Kichcieva.