U Minsku hałoŭny miechanik pradpryjemstva atrymaŭ ad klijenta ŭ padarunak 300 rubloŭ. Jamu prysudzili štraf u 40 razoŭ bolšy
Mužčyna taksama atrymaŭ chatniuju chimiju.
15.08.2024 / 16:18
Hałoŭnaha miechanika staličnaha pradpryjemstva asudzili za atrymańnie niezakonnaha ŭznaharodžańnia ŭ 300 rubloŭ.
Pa viersii śledstva, u vieraśni i kastryčniku 2022 hoda jon dvojčy pryniaŭ niezakonnaje ŭznaharodžańnie ŭ ahulnaj sumie 300 rubloŭ za vykananuju pracu, jakaja i tak uvachodziła ŭ koła jaho abaviazkaŭ, u intaresach pryvatnaj kampanii, jakaja rabiła ramont abstalavańnia na pradpryjemstvie, pišuć «Minsk-Naviny».
Siłaviki daviedalisia pra heta i raspačali kryminalnuju spravu. Mužčyna, jak paviedamlajecca, raskajaŭsia i hrošy viarnuŭ. Adnak spravu daviali da suda.
Sud pryznaŭ jaho vinavatym pavodle č. 1 art. 433 KK («niezakonnaje ŭznaharodžańnie») i pryznačyŭ jamu chatniuju chimiju terminam na 1,5 hoda i štraf sumaj 12000 rubloŭ. Pa amnistyi hod chimii mužčynu adniali.
Raniej da kryminalnaj adkaznaści miechanik nie pryciahvaŭsia, u jaho jość niepaŭnaletniaje dzicia.
Byłoha namieśnika hiendyrektara «Harramaŭtadara» buduć sudzić za bujny adkat
Hałoŭnaha enierhietyka minskaha pradpryjemstva buduć sudzić za chabar u 1400 rubloŭ
Zatrymlivali jašče dvuch vysokich načalnikaŭ z BČ i kiraŭnika Minskaha mietrapalitena