Šviejcaryja dadała ŭ sankcyjny śpis 27 łukašystaŭ
Šviejcaryja ŭviała sankcyi ŭ dačynieńni da 27 hramadzian Biełarusi, u asnoŭnym — adkaznych za represii ŭ Biełarusi, a taksama prapahandystaŭ i pradstaŭnikoŭ biznesu, piša «Pozirk».
15.08.2024 / 20:54
Fota: Lukasz Janyst / vecteezy.com
U pryvatnaści, u śpis uklučanyja načalnik HUBAZiKa Andrej Ananienka, jahonyja namieśniki Andrej Biedunkievič i Dźmitryj Kovač, namieśnik načalnika adździeła dziaržaŭnaha abvinavačvańnia ŭpraŭleńnia Hienieralnaj prakuratury pa nahladzie za adpaviednaściu zakonu sudovych rašeńniaŭ pa kryminalnych spravach Michaił Kavaloŭ.
Taksama sankcyi ŭviedzienyja ŭ dačynieńni da načalnikaŭ Vaŭkavyskaj VK № 11 Viktara Dubroŭki, Hrodzienskaj turmy № 1 Paŭła Kazakova i jahonaha namieśnika Vasila Kalady, Homielskaj VK № 4 Dzianisa Taŭściankova, minskaha SIZA № 1 Andreja Cedryka.
Pad sankcyi trapili 13 sudździaŭ: Homielskaha abłasnoha suda Anatol Sotnikaŭ i Alaksiej Chłyščankaŭ, Mahiloŭskaha abłasnoha suda Ihar Šviedaŭ i Ihar Ziamcoŭ, Hrodzienskaha abłasnoha suda Vasil Skok, Minskaha abłasnoha suda Viačasłaŭ Tulejka, Minskaha haradskoha suda Alena Ananič, suda Frunzienskaha rajona Minska Andrej Mlečka, suda Leninskaha rajona Minska Taćciana Šocik, suda Rečyckaha rajona Stanisłaŭ Ivaniucienka, suda Maładziečanskaha rajona Volha Dubovik, suda Babrujskaha rajona i horada Babrujska Anton Dudal i suda Žłobinskaha rajona Mikałaj Sierhiejevič.
Taksama trapili ŭ sankcyjny śpis Šviejcaryi hiendyrektarka BiełTA Iryna Akułovič i hałoŭny redaktar vydavieckaha doma «Biełaruś siehodnia» Dźmitryj Žuk, karespandent ANT Alaksiej Krakvin, staršynia moładzievaj rady (parłamienta) pry Nacyjanalnym schodzie Mikita Račyłoŭski i nabližany da Alaksandra Łukašenki biznesmien Viktar Šaŭcoŭ.
ES zabaraniŭ uvoz u Biełaruś sekand-chendu. MZS prakamientavała
U Litvie vykryli schiemu abychodu sankcyj z udziełam Biełarusi na miljony jeŭra
Kanada ŭviała sankcyi suprać Koli Łukašenki
ZŠA ŭviali novyja sankcyi suprać biełaruskich pradpryjemstvaŭ, źviazanych z VPK