U ZŠA praviali pieratrus u domie viadučaha prapahandysckaha šou na rasijskim telebačańni
Amal 50 hadoŭ saviecki emihrant Dźmitryj Sajms pražyŭ u ZŠA, ale ciapier viarnuŭsia ŭ Rasiju, kab apraŭdvać ahresiju Uładzimira Pucina.
16.08.2024 / 07:32
Dźmitryj Sajms. Fota z fejsbuka rasijskaha Pieršaha kanała
U štacie Virdžynija FBR praviało pieratrus u domie amierykanska-rasijskaha teležurnalista Dźmitryjaj Sajmsa. Pryčyny nieviadomyja. Sam jon znachodzicca nie ŭ ZŠA.
Jak piša miascovaje vydańnie Rappahannock News, učastak, dzie prajšli pieratrusy, Dźmitryj Sajms i jaho žonka Anastasija kupili ŭ lipieni 2021 hoda za $1,63 miljona.
Sajms naradziŭsia ŭ 1947 hodzie ŭ Maskvie. Byŭ vyklučany z MHU za antysavieckija vykazvańni, ale pry hetym zmoh pracavać u Instytucie suśvietnaj ekanomiki i mižnarodnych adnosinaŭ, dzie navat byŭ namieśnikam sakratara kamiteta kamsamoła.
U 1973 hodzie emihravaŭ u ZŠA. Byŭ pazaštatnym karespandentam «Radyjo Svaboda», daradcam eks-prezidenta Ryčarda Niksana. Amal 20 hadoŭ uznačalvaŭ u Vašynhtonie Centr Nacyjanalnych intaresaŭ.
Z 2018 hoda viadzie na rasijskim dziaržaŭnym Pieršym kanale pieradaču «Vialikaja hulnia» ab palityčnych stasunkach ZŠA i Rasii. Aktyŭna padtrymlivaje vajnu va Ukrainu.
Raniej u Washington Post vykazvali mierkavańnie, što Sajms byŭ ciesna źviazany z prezidenckaj kampanijaj i administracyjaj Donalda Trampa.