Samalot ź Biełarusi pralacieŭ nad Litvoj i Polščaj. Jak tak atrymałasia?
Bort pralacieŭ u pavietranaj prastory Litvy pamiž Alitusam i Druskienikami, a zatym paviarnuŭ na poŭdzień užo nad terytoryjaj Polščy.
16.08.2024 / 12:19
Fota: Flightradar24.com
Samalot ruchaŭsia nad terytoryjaj Litvy z chutkaściu 800 kiłamietraŭ za hadzinu-prykładna adpaviadaje krejsierskaj chutkaści samalotaŭ hramadzianskaj avijacyi.
U litoŭskaj kampanii pa kiravańni pavietranym rucham i suviazi Oro navigacija patłumačyli Delfi, što samalot ničoha nie parušyŭ.
«Kraina rehistracyi samalota — Turcyja (TCMAY), rejs vykonvaŭsia ź Minska (Biełaruś) u Stambuł (Turcyja), samalot lacieŭ biez pasažyraŭ. Sankcyi nie prymianiajucca da takich palotaŭ, tamu hety samalot moh pierasiekčy pavietranuju prastoru Litvy», — adznačyli ŭ kampanii.
Z 25 maja 2021 hoda ŭrad Litvy zabaraniŭ prylot i vylet samalotaŭ ź litoŭskich aeraportaŭ, kali ich palot ažyćciaŭlajecca praz pavietranuju prastoru Biełarusi.
Zaraz samalotam biełaruskich avijapieravozčykaŭ zabaroniena pryziamlacca, uźlatać i pralatać nad terytoryjaj Jeŭrasajuza. Takoj była reakcyja na prymusovuju pasadku ŭ Minsku samalota Ryanair z Ramanam Pratasievičam i Safijaj Sapiehaj na borcie.