36-hadovuju minčanku asudzili da 13 hadoŭ kałonii za zabojstva niemaŭlaci
U Viarchoŭnym sudzie Biełarusi razhledzieli apielacyju na prysud u dačynieńni da 36-hadovaj minčanki, jakaja zabiła svajho novanarodžanaha syna. Viarchoŭny sud pakinuŭ bieź źmienaŭ prysud Minskaha abłasnoha suda — 13 hadoŭ kałonii, paviedamlaje Hienprakuratura.
16.08.2024 / 12:44
Fota: UUS Homielskaha abłvykankama
Žančyna, kali daviedałasia, što ciažarnaja, nie stanaviłasia na ŭlik u palikliniku. Kali jana była ŭ svaich baćkoŭ u vioscy ŭ Niaśvižskim rajonie, samastojna naradziła syna. Adrazu paśla naradžeńnia jana zadušyła dzicia i sprabavała pazbavicca ad cieła.
Praz 12 hadzin žančynu dastavili ŭ rajonnuju balnicu, dzie jana naradziła druhoje miortvaje dzicia.
Pavodle vysnovaŭ ekśpiertaŭ, žančyna padčas učynieńnia złačynstva ŭ stanie afiektu nie znachodziłasia. A na praciahu ŭsiaho rasśledavańnia nieadnarazova mianiała svaje pakazańni.
U sudzie jana patłumačyła, što nie źbirałasia zabivać dzicia, a zrabiła heta pa nieaściarožnaści. Ale sud nie staŭ mianiać artykuł abvinavačvańnia na pryčynieńnie śmierci pa nieaściarožnaści (artykuł 144 KK).