Čynoŭniki abiacajuć vyrašyć prablemu padtapleńnia Minska ŭ 2025 hodzie
U harvykankamie raspracavali ceły płan.
16.08.2024 / 13:21
Fota: Onliner.by
Namieśnik staršyni Minharvykankama Alaksandr Černikaŭ raspavioŭ, kali čynoŭniki źbirajucca vyrašyć prablemu padtapleńniaŭ u Minsku.
Pavodle jaho słoŭ, užo raspracavany śpiecyjalny płan, pišuć «Minsk-Naviny».
«Pa vynikach nazirańnia miescaŭ padtapleńnia raspracavany śpiecyjalny płan. U jaho ŭvajšli kala dziesiaci abjektaŭ: dzieści treba budzie pierakłaści kalektary, dzieści — uźvieści dadatkovyja zbudavańni. Usie jany ŭklučany ŭ inviestycyjnuju prahramu na 2025-y. Finansavańnie ŭžo jość, pačynajem prajektavańnie. U nastupnym hodzie majuć namier vypravić situacyju z zatapleńniem vulic», — zajaviŭ Černikaŭ.
Hetym letam Minsk niekalki razoŭ mocna zataplivała, najbolš surjoznyja prablemy byli va Uruččy, na Uschodzie, u rajonie Kamaroŭskaha rynku, Parku Čaluskincaŭ, u Zialonym Łuzie i niekatorych inšych rajonach stalicy.