Футурыстычны электралёт, які ствараўся для цывільных патрэб, цяпер будзе ўдзельнічаць у войнах
Першы паўнавартасны экзэмпляр аэратаксі пад назвай Midnight, які прызначаўся для цывільнага рынку, раптоўна змяніў месца і мэту прызначэння. Цяпер мадэль перададзена Ваенна-паветраным сілам ЗША і вось чаму.
19.08.2024 / 11:28
Гатовы экзэмпляр электрычнага лятальнага апарата вертыкальнага ўзлёту і пасадкі (VTOL) пад назвай Midnight («Поўнач»), які ў наступным годзе павінен выйсці на цывільны рынак, цяпер будзе ваяваць у складзе ВПС ЗША. Фота: Міністэрства абароны ЗША / Archer
Першая гатовая мадэль электрычнага лятальнага апарата вертыкальнага ўзлёту і пасадкі (VTOL) пад назвай Midnight («Поўнач») была перададзена ў склад Ваенна-паветраных сіл ЗША.
Сама перадача адбылася яшчэ месяц таму, калі Пентагон даў Midnight сертыфікат лётнай прыдатнасці для выкарыстання ў ваенных мэтах, паведаміла кампанія Archer, якая і распрацавала Midnight.
Кадры перадыслакацыі электралёта на адну з авіябаз ЗША кампанія апублікавала ў сваім твітары (X) з допісам «Зроблена ў Амерыцы — цяпер з гонарам служыць Амерыцы».
Электралёт Midnight у паветры над авіябазай ВПС ЗША ў Каліфорніі. Фота: Міністэрства абароны ЗША / Archer
Электралёт Midnight на зямлі. Фота: Міністэрства абароны ЗША / Archer
«Дзякуючы магчымасці вертыкальнага ўзлёту і пасадкі, унікальнай электрычнай сілавой устаноўцы і нізкаму ўзроўню шуму, Midnight з'яўляецца перспектыўным рашэннем для вайсковых авіяцыйных задач, такіх, як медыцынская эвакуацыя, перавозка грузаў, а таксама выведвальныя і назіральныя палёты.
Апарат, які можа змяшчаць да 5 чалавек, ужо паказаў магчымасць здзяйсняць пераходны палёт, разагнаўшыся да 160 км/г, што раней падавалася вельмі складаным манеўрам для такога вялікага электралёта», — падкрэслівае кампанія Archer.
Кошт аднаго Midnight ацэньваецца ў 5 млн даляраў (звыш 16 млн рублёў). Выхад дадзеных электралётаў на сусветны цывільны рынак запланаваны на 2025 год.
Як брытанскія робаты-сабакі замяняюць украінскіх воінаў на фронце
У Аўстраліі прадставілі самую моцную ў свеце партатыўную лазерную зброю супраць дронаў
У ЗША з'явіўся першы біяметрычны «разумны» пісталет. З яго стрэліць не кожны