U Kitai haryć avijanosny krejsier «Minsk»
Z 2000 hoda jon ekspanavaŭsia ŭ jakaści hałoŭnaha abjekta parku zabaŭ Minsk World.
17.08.2024 / 09:58
Skrynšot videa RBK
Były vajenny karabiel doŭhija hady stajaŭ u parku zabaŭ u Šeńčženie. Pažar na karabli pačaŭsia padčas ramontnych rabot, piša RBK.
Na apublikavanych u siecivie videa bačna, što pažar pačaŭsia ŭnačy i achapiŭ bolšuju častku krejsiera. Na ranicu dym praciahvaŭ valić z rubki karabla.
«Minsk» byŭ vyviedzieny sa składu Cichaakijanskaha fłotu ŭ 1993 hodzie, i ŭ kancy 1995 hodzie byŭ pradadzieny na mietałałom u Paŭdniovuju Kareju. Adnak praź niekalki hadoŭ karabiel pierakupiła kitajskaja kampanija i jon byŭ adbuksiravany ŭ Šeńčžeń, dzie z 2000 hoda ekspanavaŭsia ŭ jakaści hałoŭnaha abjekta parku zabaŭ Minsk World.
Park nieadnarazova pierachodziŭ z ruk u ruki i ŭ 2016 hodzie byŭ zakryty paśla taho, jak novy inviestar źviarnuŭ jaho terytoryju pad zabudovu. U 2016 hodzie «Minsk» paśla nievialikaha ramontu byŭ pierabuksiravany ŭ Nańtun, dzie pavinien byŭ uvajści ŭ skład novaha parku zabaŭ, prajekt jakoha ŭ vyniku tak i nie byŭ realizavany.