У Бабруйску перакулілася машына хуткай дапамогі, якая ехала на выклік
Двух медыкаў даставілі ў бальніцу.
17.08.2024 / 15:08
Сёння каля 11:00 68-гадовы кіроўца Lada на перакрыжанні вуліц Мінская — Гагарына не саступіў дарогу аўтамабілю хуткай дапамогі, які рухаўся на выклік з уключанымі маячкамі і сірэнай на забараняльны сігнал святлафора.
Машына перакулілася, а два медработнікі дастаўлены ў бальніцу для абследавання, паведамляе абласное ДАІ.