Parušalnikaŭ pravił darožnaha ruchu stali vyličvać u Biełarusi z dapamohaj dronaŭ
U kožnym rehijonie ŭ Dziaržaŭtainśpiekcyi jość kvadrakoptary. Ź ich dapamohaj vyjaŭlajuć parušalnikaŭ PDR, piša sb.by.
17.08.2024 / 15:25
Dzianis Hučak, fota sb.by
Na borcie bieśpiłotnika jość kamiera. Praź jaje videa tranślujecca na telefon dziaržaŭtainśpiektara padčas pracy. Kvadrakoptary vykarystoŭvajuć na najbolš niebiaśpiečnych učastkach darohi. Havorka idzie pra miescy, dzie fiksujuć vialikuju kolkaść DTZ z traŭmami pasažyraŭ i kiroŭcaŭ.
Taksama drony prymianiajuć u hadziny pik pry napružanaj situacyi na darohach.
«Vykarystańnie kvadrakoptaraŭ dazvalaje kantralavać paradak na darozie na značnaj adlehłaści ad miesca dziažurstva ekipaža DAI. I rabić heta niezaŭvažna dla lichačoŭ, to jość padmirhnuć farami i tym samym papiaredzić inšych kiroŭcaŭ nie atrymajecca. Jašče adzin plus — biaśpieka supracoŭnikaŭ DAI. Jany nie padviarhajucca ryzycy pry pracy na darozie. Taksama drony dapamahajuć pamienšyć kolkaść zadziejničanych dla kantrolu za paradkam inśpiektaraŭ», — kaža namieśnik načalnika słužby śpiecyjalnych mierapryjemstvaŭ śpiecpadraździaleńnia DPS «Strała» MUS Dzianis Hučak.
Batarejki chapaje chvilin na 50. Kali ŭzrovień zaradu padaje da 15 adsotkaŭ, dron aŭtamatyčna viartajecca na bazu — punkt uźlotu zapaminaje.