Vyśvietliłasia, što pomnik Leninu ŭ Sudžy na miescy
Fota z pustym pastamientam u Sudžy, na jakim raniej stajaŭ pomnik Leninu, raspaŭsiudziłasia pa sacsietkach 16 žniŭnia. Ale vyśvietliłasia, što Lenin nikudy nie źnik.
18.08.2024 / 14:31
Tak ciapier vyhladaje pomnik Leninu ŭ Sudžy. Fota: BBC
Paviedamleńnie ab znosie pomnika ŭ centry horada Sudžy, jakoje ciapier kantralujuć ukrainskija vojski, apublikavali šerah miedyja, daradca kiraŭnika ofisa prezidenta Ukrainy Darja Zaryŭna i Minkult, ale nieŭzabavie jaho vydalili.
Takoje fota z Sudžy razyšłosia ŭ šerahu miedyja i sacsietkach 16 žniŭnia
Ukrainskaja słužba BBC zmahła pravieryć hetuju infarmacyju. Krynica miedyja ŭ Sudžy dasłała videa, źniataje paśla abiedu 17 žniŭnia, na jakim vidać: pomnik — na miescy, choć i niekalki dziravy z-za bajavych dziejańniaŭ.
A kali b jaho źnieśli ŭkraincy, heta było b niezakonna, śćviardžaje člen kamiteta pa nacbiaśpiecy i abaronie Fiodar Vienisłaŭski.
«Ja dumaju, paśla stvareńnia vajennaj kamiendatury, kamiendant i jaho padnačalenyja buduć sačyć za tym, kab pomniki kultury lubyja, jak by jany nam padabalisia ci nie padabalisia, nie znasilisia, ni parušalisia normy humanitarnaha prava. Heta moža być rasceniena jak parušeńnie normaŭ mižnarodnaha humanitarnaha prava», — skazaŭ čynoŭnik.